|
| 今日星期六都要返學, 因為今日係lwl o既畢業典禮。 其實畢業典禮對於我黎講, 都唔係太關事, 因為我又唔係教中五中七, 去到都係得個坐字~~
不過今年參加lwl o既畢業典禮就有d 特別, 因為過往咁多間學校, 都係得教中五中七o既老師先會著畢業袍, 但今次就差不多個個老師都有得著, 不過係大家求其揀一件, 勁hea 囉~ 畢業禮都要坐成差不多兩個鐘, 勁長~~ 完左畢業禮, 即慶搵余仔佢地去食飯, 咁就過左去火炭津津度食。 食完過番沙田, 時間尚早, 咁就同阿康行下, 之後就返屯門同tony 睇戲了。 唔知幾時先正式參加一個關我事o既畢業禮呢? haha 5/7/2008 邦 | | |
| 呢一排返學校, 都冇咩特別野做, 朝早學生返黎, 又係咩球類活動, 其實大部份學生都係得個悶字, 下午, 學生走晒, 學校就更悶, 不過, 呢排o既下午, 我地都有節目, 就係夾歌喇。 其實係因為今日有一個綜合表演, 麥sir 就叫我地上台唱歌, 咁攪攪下就話夾band 喇。 本身就得余仔and 阿禮識玩樂器, 咁少點得呀, 咁所以臨時就搵左我打鼓, 阿孔彈base, ha, 咁都得。 我地決定唱兩首歌, 第一首係與我常在, 第二首係光輝歲月, 其實打鼓唔算難學, 都係記住首歌點打點打, 到咩位就點打法咁就得了, 不過玩玩下覺得打鼓幾過引。 練左好幾日, 今日終於要表演喇, 好耐冇表演過, 應該話, 都冇試過上台唱歌o既。 唱第一首歌, d 學生冇咩反應, 冇計啦, 預左, 因為佢地悶左成朝了, 到第二首歌, 光輝歲月係high d o既, 加埋阿禮o既發din, 都叫做有d 氣氛~~
正所謂, 台上一分鐘, 台下十年功, 雖然, 我都係玩左打鼓果幾日, 唔叫做十年功, 但總算係好認真地去練好呢兩首歌, 表演完, 就好似咩都冇咁, 之後o既下午, 就唔駛再練歌, 亦都冇咩機會可以打下鼓, 更加可惜o既係, 我都走喇, 我諗都再冇機會有呢個臨時樂隊出現了~~
灰d 咁睇, 就係玩完就咩都冇, 樂觀d 咁睇, 就係o係臨走時都可以玩埋佢, 可以俾番個回憶自己, 咁就不如樂觀d, 接受呢個事實, 既然都知道自己要走, 咁就......揮一揮衣就, 不帶走一點雲彩。 30/6/2008 邦 | | |
| 每年學年結尾, 都係科組食大餐o既日子, 我就食左三餐, 兩餐去左酒店食自助餐, so good~~ 先係maths 科去尖沙咀食, 原來係之前諸聖去開果間, 去到, 令到我都諗番起我在諸聖的日子~~
好彩大笨鐘, 阿亨, 占占佢地都o係度, 冇咁悶~ 第二餐, 就係校長請全世界去如心廣場酒店食, wow, 一眾老師一齊去, 又係瘋狂咁係魚生o既時候, 就係咁就出事囉~~ 之後就開始腸胃有問題, 阿康同我一樣, all (痾) the day, 痾過不停, 攪到到波都練唔到, 醫生都睇埋都未好, 唉, 早知唔食咁盡啦~ 而家都仲未好晒, 攪到camp 都去唔到, 真係what the.......  30/6/2008 邦 | | |
| 好耐冇打過xanga 了, 唔係因為呢排冇野發生, 的確好多野發生, 但總係冇咩mood 去打o係xanga 度, 可能都係自己太懶吧, 已經懶左一個月了, 都係打番一篇, 等人仲記得我仲在生~  近排發生咩事呢? 其實都唔算咩特別事o既, 不過今年有d 特別吧, 因為今年係第一次咁快知道自己將會離開, 下年去第二間中學度教, 所以一早已經有學生知道了。 咁早知道, 有好有唔好, 好o既就係可以早d 同d 學生道別, 影下相, 留下念, 唔好o既, 就係每一日都好似倒數緊咁, 每一日都抱住一份唔捨得o既心情, 最後一次上堂, 最後一個上課日, 最後一次見班學生, 最後一次.......... o係呢一整年裏, 過得最開心, 同最唔開心都係呢一段日子, 最開心, 因為每一日都同d fd 留o係學校搵野做, hea 下, 吹下水, 玩下, 比起之前o既上課日子, 真係差天共地, 唔開心, 係因為知道日子一日一日咁減少。 天下無不散之筵席, 不論學生, 同事, 有共處o既一日, 都有離別o既一天, 呢一間已經係我第三間中學, 每一次都係依依不捨, 每一次都要重新適應, 一年一次, 感覺真係有點累。 下一間學校, 有冇咁好玩o既同事? 下一間中學, 有冇d 咁可愛o既學生? God knows~ 明知日子不斷流逝, 事實亦放在眼前, 唯有接受之餘, 都好好提醒自己, 好好enjoy 餘下o既日子, 方是上上之策。 | | |
| 唔好誤會, 我只係去幫手人地train o者, 其實可以話係好無聊o既一個training~ 今日阿茄無啦啦話有波打, 反正冇野做, 咁就去喇, 七點去到界限街球場, 去到, 初初以為係咩球證training, 點知原來係要train 一班人去做大獎賽o既工作人員。 去到, 睇住佢地train, train d 咩? 進場啦, 拖地啦, "look" 波啦, 而睇佢地都要睇左成粒鐘, 而我去做咩? 其實就係去打場比賽, 等d 工作人員可以實習下。 黎打波o既, 都係平時見開d 球證, 不過我大部份都唔識, 悶死~ 八點幾終於有得打波喇, 不過俾我估中左, 就係似開game , 非開game, 因為最主要都係要train d 工作人員, 所以成個球賽裏面, 叫左十幾廿次暫停, 目的都係要train d 工作人員拖地呀, look 波呀果d。 今日唯一我覺得幾過引o既, 就係自己好似打緊大獎賽咁, 又有人會入黎拖地呀, 仲有人會執波俾你呀, 幾爽~ haha~ 美中不足o既, 就係.....冇得試下o係紅館度打下波, haha, 好似大貪得滯tim :P 28/5/2008 邦 | | |
|
