唔好誤會, 我只係去幫手人地train o者, 其實可以話係好無聊o既一個training~

今日阿茄無啦啦話有波打, 反正冇野做, 咁就去喇, 七點去到界限街球場, 去到, 初初以為係咩球證training, 點知原來係要train 一班人去做大獎賽o既工作人員。

去到, 睇住佢地train, train d 咩? 進場啦, 拖地啦, "look" 波啦, 而睇佢地都要睇左成粒鐘, 而我去做咩? 其實就係去打場比賽, 等d 工作人員可以實習下。 黎打波o既, 都係平時見開d 球證, 不過我大部份都唔識, 悶死~

八點幾終於有得打波喇, 不過俾我估中左, 就係似開game , 非開game, 因為最主要都係要train d 工作人員, 所以成個球賽裏面, 叫左十幾廿次暫停, 目的都係要train d 工作人員拖地呀, look 波呀果d。

今日唯一我覺得幾過引o既, 就係自己好似打緊大獎賽咁, 又有人會入黎拖地呀, 仲有人會執波俾你呀, 幾爽~ haha~ 美中不足o既, 就係.....冇得試下o係紅館度打下波, haha, 好似大貪得滯tim :P

28/5/2008 邦